FAQ | 茶茶寵物攝影

貓貓比較怕醜見到陌生人會驚驚，會影唔到嗎？
以我們心得加上經驗大多數都會影到。

貓貓可否與主人合照？

是可以合照，人數唔好過多一至三個人可以。

你們會提供背景進行拍攝嗎？

我們會提供三至四塊背景布進行拍攝。

拍攝完成後會幾時有相揀？
約一至兩星期我們會畀精修相片選擇，揀好精修相片後兩至四天會連同調較光暗相片給你。

貓所有相片檔案會奉回嗎？
我們不會將所有相片檔案奉回，因為貓貓一個post可能會影十幾張相當中會有啲比較差，我們會揀選最好的一兩張做精修相片給你選擇，確保我們畀客人的相片質素。

什麼是調較光暗相片？什麼是精修相片？
調教光暗相片是把相片剪裁適合及把光暗調教至順眼，而精修相片是把調較光暗相片視乎情況局部調較光暗、執走多餘部分、修改毛髮、突出貓貓眼神等等…總之令相片更有層次感更順眼為原則。

拍攝當天要預備什麼？
最好拍攝前幾天幫貓貓沖涼，如果想同貓貓合照女士們可以先化好裝，拍攝當天早上避免同貓貓做劇烈運動，留返貓貓體力進行拍攝。

我們家居空間唔係好大可以拍攝嗎？
家居大細唔係主要問題，我們會視乎情況用適合拍攝手法去表達。

家居攝影同去影樓拍攝有什麼分別？
兩者都係想拍攝一輯靚靚嘅寫真，但要拍攝一輯靚嘅寫真首要令貓貓冇不安情緒冇壓力下拍攝，而在家居拍攝就是能要解決以上問題，令出嚟效果自然拍到貓貓可愛一面，而去影樓貓貓要面對舟車勞動，陌生環境大多數都會害怕、緊張，試問影出嚟效果又點會好呢？